يوم لسائح لمصر

يه رأيكم نروح فسحه لمصر أم الدنيا وأم أمريكا كمان ولو مش عاجب الامريكان !!! تنكسر رقبتهم
طيب يا عم سيبك من السياسه شويه ونخلينا مع الفسحه

وفي حال عدم ظهور الصور
ماوس يمين على مكان الصورة
ثم
show picture
وإن شاء الله ستشاهدون الصور

أولا وقبل الفسحه لازم تشخلل جيوبك الاول
أيوه لازم وأنت بتتفسح متبصش للفلوس دى خالص

وبالمناسبه هتلاقى هناك فى مصر عمله صفره وهزيله أوى بتروح منك بسرعه زى البنزين ويقال عليها الجنيه
ولما ييجى وقتها هعرفك يعنى أيه أسم جنيه
وثانيا بأة يا عم الحاج تحجز من بلدكم فى أى شركة طيران على أسطول مصر للطيران
وعشان متسيحش معايه هوريك صورة الطيارة لحسن تروح تركب فى طيارة غيرها ومتعرفش هتوديك فى أنهى مصيبه
هههههههههههههه
وآدى يا سيدى الطيارة اللى سيادتك هتركبها معانا

يلا بأة أركب وأمتنع عن التدخين وأربط الحزام

يييييى
يا عم سيب ولا أطفى حتت السكرة اللى فى أيدك دى مش قولتلك ممنوع التدخين
الطيارة هتنطلق بس قبل ما تقلع عاوزين كده تذكر دعاء السفر ودعاء ركوب الدابه
لو مش عارفه أشترى كتاب الاذكار وأنت تعرف يا خويه

خد بالك أنت كده فى الجو يا عالم بأة هتوصل ولا لاء
ههههههههههههه


الحمد لله وصلنا بوس أيدك بأة شعر ودقن على السلامة
ههههههههههههه


وأدى يا عم باب المطار من الخارج ده طبها بعد الجمارك والتفتيش والذى منه لتكون جايبلنا مصيبه معاك ولا حاجه الله أعلم بالنوايه اللى فى القلوب

بعد كده يا سيدى مش محتاج أنك تنادى على تاكسى عشان يوصلك الرجاله هناك فاهمين شغلهم حلو أوى التكسجيه يعنى يعنى أول متطلع من باب المطار هيستلموك يا حلو
وأدى صورة التاكسى اللى هيوصلك



ولو مش عاجبك التاكسى الزباله ده ممكن تركب تاكسى من التاكسيات الجداد بالزى الجديد
زى ده


وأنت يا جميل راكب بأة التاكسى عاوزك تطول بالك شويه عشان الناس كترت أوى فى البلد وبأة زحمة أوى وخصوصا فى وسط البلد

ولما الراجل بتاع التاكسى يقولك الحساب أوعى تخليه يضحك عليك وتعطيه فلوس من بتاعتكم
أوعى أنا بقولك أهو
وأدى العملة اللى أحنا بنتعامل بيها

تعرف بأة يا حلو بنسميه جنيه ليه ؟؟؟
الجنيه جايه من أسم الجن اللى محدش بيشوفهم غير فى الكوابيس بعيد عنك وعن السامعين
وأسمه كمان العمله الصعبه ومتستغربش تعرف لييييييه ؟؟؟
عشان مبيتصرفش بره البلد لأنه ملهوش لزمة للأسف ولا حد بيلاقيه جوه البلد ( شاحح فى السوق )
هههههههههههههه
وعشان تتأكد منه أيضا آدى الوجه التانى من الجنيه تأملة جيدا لونه أصفر وعيان وشكله هيموت عن قريب قول يا رب
هههههههههههههه


والأن نقي واختار من الفنادق عل النيل

وخد بالك فيه عندنا فنادق نص كم بردك بس أنت بأة تتحمل نتيجة اللى هيجرالك فيها يا حلوووووووووو
ههههههههههههههههههههه
وأنت بأة من بلكونة الفندق اللى السكن فيه بالشىء الفلانى هتشوف النيل
يا سلاااااااااااااام على النيل يا عرب


وكمان ممكن تشوف العشوائيات بتاع الناس الغلابه نص نص



وطبع بعد متستريح فى الفندق وتاخد دوش حلو هنجهزلك الحنطور وهو بيدور بالبرسيم
ولو أنه أنقرض
ههههههههههههههههه


ده ياسيدي تمثال سعد زغلول باشا


وده سبع الليل
من سبوعة كوبري قصر النيل بس أوعى تقرب منه ليعضك
هههههههههه


وده بأة يا سيدى مدخل الاوبرا المصريه


وده برج القاهرة هنبقى نطلعه بس بعدين لما تاخد نفسك من السفر


وده مدخل المتحف المصرى بالتحرير


وأكيد تعبت من اللف تعالى
ريح جنب اصحابنا على
كوبري قصر النيل
وزي ما قلت لكم
من الممكن
واحد فينا يكون ضمن
اي صورة هاضعها لكم مييييييين عارف ؟؟؟!!!

بقولك أيه أنا تعبت أوى معاك هسيبك على الكبرى وأروح أقضى مصلحه وراجعلك أوعى تتحرك من مكانك لتوه وتودينى فى مصيبه
ولا أوعى عينك تزوغ على البنات اللى هناك دول لتاخد ضرب مياخدهوش حرامى فى مولد
هههههههههههه


سلام لحد ما أرجعلك تانى ونكمل الرحلة لأننا ورانا كلام كتيييييييييييير لسه مخلصنهش ....