أسباب اعجاب فتيات العرب بـ (مهند) وغيرة شباب العرب ..؟؟

من طرف نورومهند الجمعة فبراير 20, 2009 2:52 pm

السلام عليكم ورحمة الله وبركاته
هذا الموضوع ردا على اخونا عنتر زمانه خعخع ترى الدعوه مزح بمزح
اسباب تولع واعجاب الفتيات بالفنان ( مهند) .. طبعا انا مانى من الفتيات اللى معجبين فيه هههههههههههههه

وغيرة ( الشباب ) العربي منه. ...

(مهند)

يرجع من الدوام في الشركة .. يروح لـ نور .. يبوس راسها .. وبحنان يحضنها .. الللله يا حلاتهم عصافير الجنة .. يقولها :

( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )

(العربي)

يرجع العربي من الدوام .. يروح لـ زوجته .. ويهه مكشر صايدته الشمس .. يدش على زوجته لا سلام ولا كلام .. يفصخ هدومه ويحذفهم على السرير او على الشماعة .. ويزيد على برودة المكيف ويقول لزوجته :

( بسرعه حطي الغدا ميت جوووع .. المدير ذبحني بالشغل الله ياخذه ! بسررررررررعه حطي الغدا ما تشوفيني تعبان وابي اكل وانام ؟؟ )

(مهند)
نور حامل .. يا الله على الدلع ! خايف عليها من نسمة الهوا .. ويقولها :

( كلّي حبيبتي مشانك ومشان ابننا ! وديري بالك على صحتك .. وما تزعلي ابـــداً مشان البيبي ما يزعل منــــووووووب

(العربي)

مرة العربي حامل ! ومسكينه الحرمه متنسيه بـ تفاح اخضر .. عاد يقولها :

( اووووووووفففف !! شوفي لا اتنسين فوق راسي !! بلعي تفاح احمر وانتي ساكته .. مو لازم اخضر ! اهو كله تفاح .. لا اتفلسفين علي )

(مهند)

مهند طالع مع نور السوق .. يشترون لهم هدوم .. ودار الحوار التالي :

نور : حبيبي .. شو رايك بالفستان الاحمر .. حلو مو ؟!
مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !
نور ( مستحيه ) : بحبـــــــــــك .. دخيلك منين جايب كل هالغزل هااد ؟
مهند : دخيلك انتي ! تؤبرنـــي ابتسامتييك شو حلوه !

(العربي)
العربي طالع مع زوجته السوق .. ما دار بينهم حوار .. ليش ؟!
لان اهو يمشي قدام .. وهي وراه تركض ..

وكل اللي قاله ( بسرعه خلصي .. ابي ألحق على ديوانية الربع ) !

(مهند)

قام من النوم نص الليل .. ما شاف زوجته يمه .. جان يخاف .. راح يدورها ويحاتيها .. ويوم لقاها رايحه تشرب ماي بالمطبخ .. قال لها

( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )

(العربي)

قام من النوم نص الليل .. ما شاف زوجته يمه .. فتح الليتات .. قام يصارخ :

( فطووووووووووووم ويهـــــــد .. فطووووووووووووم وطاعون .. فطووووم وايدز .. فطووووم كنسر ان شاء الله .. وينج انتتتتتتتي ؟؟!! خليتي باب الدار مفتوح نص سنتيمتر .. وهوا المكيف كله طلع برا وصار حرررر .. ما تحسين .. دمج بارد .. الله ياخذ اليوم اللي فكرت اخذج من اهلج فيه )

(مهند)
اعد يقرا كتاب .. وفجاه ياته نور .. لابسه فستان يديد .. وصار هالحوار ..

نور : حبيبي شو رايك بالفستان الجديد ؟!
مهند : بيجنن عليكي ! اخذ من جمالك قطعـــه ..

(العربي)

قاعد يطالع مباراه ريال مدريد وبرشلونه .. خو شبابنا مو مال كتب وثقافه !
و زوجته مستانسه بالفستان اليديد .. تبيه يشوفها .. طافت جدامه عشان يشوف .. وصار هالحوار :

العربي : قوووووووووووومي قامت ركبّج وما اقعدت ! ما تشوفيني اطالع المباراه ؟!
الزوجه : حبيبي شفيك .. كنت ابيك تشوف فستاني اليديد .. شرايك ؟!
العربي : وجذي تخربين علي المباراه .. ما شفت حركة رونالدينهو الحين طافتني كله منج !
الزوجه : انزين عاااد .. شرايك بالفستان ؟!
العربي : شالموضة الخايسه اللي طالعين فيها انتو يالبنات ؟! هذا فستان بذمتج ؟! لو لابسه خيشة البصل وايد احلى .. مخصره خيشة البصل ما تفرق !!!.

ههههههههههههههههههههههههههه
اكمل ولا كفاية ... اعتقد كفاية وضحت الصورة .. عاد الفرق واضح بين جمال ورشاقة ( هنوده ههه ) و بينه ههههه

والله امزح معكم لاتصدقووووووووووووون ... والله والله والله ان شباب العرب ( احلى واجمل وارق من مهند)

وان اقل جمال شباب العرب يسوى ( مهند ) باكمله ...

وسلامتكم ......