Mmm ملك جمال العالم و الكون

قولى احبك كى تزيد وسامتى .:.:. فبغير حبك لا اكون جميلا


كتير اوى بنسمع عن مسابقات ملكة جمال العالم ملكة جمال الكون ملكة جمال اى بلد ده عادى و حاصل م زمااااااان بس كمان زى ما فى مسابقات لاختيار ملكة جمال ف برده مسابقات لاختيار ملك جمال
عندى مجموعة اعتراضات ع وصف الرجل بالجمال اعتقد و العلم عند الله ان الجمال صفة تختص بالانثى اكتر يعنى ينفع اقول لبنت انتى جميلة و حلوة لكن مينفعش اقول لشاب انت جميل شكلا او انت حلو اوى كده اعتقد انى بهينه لكن م الممكن انى اقوله انت وسيم
ده رايى و فى راى او اراء كتير سمعتها بتقول "
ان الله جميل يحب الجمال و احنا لما بنيجى نوصف شاب حلو بنقول ده فيه مسحة م جمال يوسف "
كلمة بتتقال كتير و محدش اعترض عليها
و اتقسمنا فريقين فريق مكون منى انا و واحد كمان
و فريق مكون م 11 شاب بينهم موافقين ع كلمة رجل جميل و بينهم تابعين فقط موافقين لان معندهمش اى تعليق و تايهين يوافقو مين ؟

يا ترى اراءكو انتو ايه ف الموضوع
رجل وسيم ام رجل جميل ؟
الموضوع مفتوح للنقاش م الجميلات و الوسماء






التوقيع :
عامل الناس كما تحب ان تعامل